ဧပြီလ ၂၂ရက်နေ့ဟာ Earth Day ပါ။ ကမ္ဘာမြေနေ့လို့ တိုက်ရိုက်ဘာသာပြန်ရမလား မသိပါဘူး။ ပတ်ဝန်းကျင် ထိန်းသိမ်းရေးနဲ့ ပါတ်သက်တဲ့ အရေးများစွာအတွက် ကမ္ဘာမြေနေ့ကို ကမ္ဘာ့နိုင်ငံ အများအပြားမှာ ပုံစံမျိုးစုံနဲ့ ကျင်းပကြမှာ ဖြစ်ပါတယ်။ ကျွန်မတို့ ချစ်သောကမ္ဘာမြေကို ကယ်တင်ဖို့ရာ ပထမဦးစွာ နေထိုင်ရာ ကမ္ဘာမြေရဲ့ တန်ဖိုးတွေ အလှအပတွေကို ခံစား သိရှိနိုင်ဖို့ လိုပါတယ်။
ဒီ့နောက်မှာတော့ မိမိတို့ ရဲ့ နေ့စဉ် နေထိုင်လှုပ်ရှားမှုတွေ ဟာ ကမ္ဘာမြေကြီးအပေါ် အကျိုးသက်ရောက်မှု ဘယ်လောက်ရှိလဲဆိုတာလည်း သိဖို့ လိုအပ်ပါတယ်။
အကျိုးသက်ရောက်မှုတွေကို သိလာပြီဆိုရင် ကမ္ဘာမြေအတွက် မိမိတို့ကိုယ်တိုင် တတ်အား သရွေ့ လုပ်နိုင်သမျှ တွေကို လုပ်ကြရမှာ ဖြစ်ပါတယ်။
ဒါနဲ့ပါတ်သက်လို့ အောက်ဖော်ပြပါ ဗီဒီယိုလေးထဲက ကျောင်းသူကျောင်းသားလေးများရဲ့ ပညာပေး အစီအစဉ်လေးကို စာဖတ်သူများနဲ့ မျှဝေချင်ပါတယ်။ ကလေးအရွယ် ကျောင်းသားကျောင်းသူလေးတွေ ဖြစ်ပေမယ့် ပတ်ဝန်းကျင် ထိန်းသိမ်းရေးနဲ့ ပါတ်သက်လို့ တတ်အားသရွေ့ ပါဝင်နေကြတဲ့ ဒီကလေးတွေရဲ့ ပညာပေး အစီအစဉ်လေးဟာ လိုရင်း တိုရှင်းလေးပါ။ သင်တို့တွေ ကမ္ဘာမြေအတွက် အနည်းဆုံး ဘာတွေ လုပ်နေလဲ ဆိုတာကို သတိပေးလိုက်သလိုပါပဲ။ ကျွန်မတို့ အားလုံးလည်း မိမိတို့ တတ်အားသရွေ့ လုပ်နိုင်သမျှလေးတွေက စလုပ်ရင်း ကမ္ဘာမြေကို ကယ်တင်ကြပါစို့လားနော်။
Posts
No comments:
Post a Comment